Poisoning

هاي First Aid Mentors 💖

😑ايه قلقتوا من الصورة؟ 😂 ايوة هو اللي في دماغكوا. هو التسمم اللي بيأذي الكتير

التسمم ده بيكون اصابة و ممكن توصل لحد الموت بسبب بلع او تنفس او لمس او مواد كيمائية او سموم او الادوية بكمايات اعلى من اللازم و جرعات زايدة بتوصل لحد التسمم. ساعات كتير بيحصل تسمم من ادوية عادية بس بيكون نتيجة حالات معينة زي الأطفال او  المصابين بأمراض معينة او تناول مواد كيميائية او اكل منتهي الصلاحية او ضار و ممكن يكون بسبب قرصة او عض من الحيوانات او الثعابين

التسمم له انواع كتير زي تسمم الطعام و بيكون الطعام اللي مش مستوي او منتهي الصلاحية و المشروبات المحتوية على مواد كيميائية  و كمان اوقات كتير بيكون في مشروم ضار بصحة الانسان. تاني نوع و هو تسمم الأدوية كمثال و هي تناول فيتمانات زي (أ) و (د) و دول اكتر اتنين زيارتهم في الجسم بيأدوا لمشاكل في الكبد تصل إلى حد الوفاه و ادوية تانية بتنتج عن نزيف و بتنتهي بالوفاه

عشان نقدر نحدد و نشخص حالة التسمم و نقدر نعالج لازم نعرف الأعراض و سن المريض و طبعا لازم نكون عارفين سبب التسمم و المادة او الحاجة اللي اتسببت في التسمم .

من ابرز الاعراض هي احمرار في منطقة الفم و الشفتين و بيكونوا جافين جدا والاحساس بألم شديد في الجسم و ساعات مش بيكون في اي الم. كمان ريحة النفس بتكون شبه المواد الكيميائية او شبه البنزين او المانيكيرو الشعور بالنعاس و بيكون في ارتباك غير العادة صعبة السيطرة عليها و صعوبة في التنفس او توقف التنفس و او ممكن تكون زيادة عالية في التنفس و الإصابة بالنوبات و زيارة في ضربات القلب بمعدل غير طبيعيه او هبوط حاد في ضربات القلب بمعدل غير طبيعي. عادة حالات التسمم الشائعة بتكون بسبب تناول الأدوية سواء بقصد او من غير قصد بجرعات زيادة عن الحد و طبعا لازم المريض يتجه للمستشفى على طول و نكون عارفين مصدر  التسمم عشان يتعامل مركز مكافحة السموم مع المادة المتسببة في السم و لازم قبل ما نحدد اذا كان المريض يحتاج للمستشفى و لا لأ لأنه ساعات كتير بيكون فيه اعراض لأمراض تانية مشابهة لأعراض التسمم زي القرح و الأزمات القلبية و مشاكل في السكر

و هنا لازم يبقى في دور للأسعافات الأولية و هي المرحلة الاهم وهي تعتبر بداية الإنقاذ لحد وصول الإسعاف. يعني كمثال لو في سم على الجلد بنجيب الجوانتي و نلبسه و نبدأ نشيل اللبس اللي عليه السم ده و بيتم شطف الجلد من 15 ل 20 دقيقة في الحمام و لو في سم في العين بيتحط الماية في العين و نفضل نغسلها لمدة 20 دقيقة و لو شم حاجة مسممة بنخليه يقف في احسن مكان فيه هواء في اسرع وقت ممكن و لو حد وقف تنفسه بنعمل الانعاش القلبي الرئوي و طبعاً من الخطوات المهمة اننا نجمع كل الزجاجات او اي حاجة فيها مواد كيميائية عشان لازم فريق الاسعاف ياخدها عشان يعرف المادة المسممة 

ياريت نخلي بالنا من كل الحاجات دي و خصوصا لو في وجود اطفال نبعد كل المصادر دي عن ايديهم عشان كلنا نحافظ على نفسنا من اي تسمم و اذى

تفتكروا الموضوع الجاي حيكون عن ايه 💘👀