ANTI BIOTICS

هاي First Aid Mentors 💗

تعالوا نعرف حاجات أساسية بتكمل الأسعافات الأولية و هي اختيار الأدوية اللازمة الصحيحة للعلاج و من اشهر و اهم الأدوية دي هي المضادات الحيوية و المعروفة بإسم مضادات البكتيريا

المضادات الحيوية هي ادوية بدمر و بتبطئ عمل الباكتيريا الموجودة في الجسم و بتكون شاملة على مجموعة من الأدوية القوية اللي بتقضي على الباكتيريا. المضادات الحيوية ماتقدرش تعالج الفيروسات زي البرد و الانفلونزا عشان في اختلاف ما بين الفيروس و الباكتيريا 

تم اكتشاف المضادات الحيوية من وقت قصير مقارنةً بأدوية الفيروسات والأمراض الأخرى و اكتشفت في التسعينات و كان البنسلين هو اول مضاد حيوي في البشرية و اتعمل عشان ينقذ مئات الألاف على الأرض من الباكتيريا و لكن المضادات الحيوية ماتقدرش تعالج الالتهابات الفيروسية . ساعات كتير بيكون الباكتيريا الضارة الموجودة في الجسم نسبتها قليلة فتقضي عليها مناعة الجسم اما في حالة زيادة الباكتيريا الضارة في الجسم بتكون المضادات الحيوية هي الحل الأمثل للعلاج
في اوقات كتير بيقلقوا الأطباء من افراط تناول المضادات الحيوية لأنها ممكن تشكل باكتيريا في الجسم مقاومة للأدوية

في انواع مختلفة للمضادات الحيوية انها تشتغل في الجسم في منها بتكون جراثيم تمنع من تكاثر الباكتيريا و نوع تاني و هو ان المضاد الحيوي زي البنسلين بيقتل الباكتيريا عن طريق تداخل المضاد الحيوي و الأدوية في جدار الخلية او محتاويها الخلوية

زي ما كل حاجة ليها مميزتها اكيد حيكون ليها عيوب. حنلاقي انه المضادات الحيوية بيكون ليها اثار جانبية  زي الإسهال و الغثيان و معدة مضطربة و دي من الأعراض الجانبية الأكثر شيوعاً اما عن الأعراض الجانبية الأقل شيوعاً فبتكون زي تكوين حصوات في الكلى و تجلط في الدم بشكل غير طبيعي و حساسية من الشمس و التهاب في الأمعاء و اضرابات في الدم عند تناول بعض المضادات الحيوية و عشان كدة لازم نتأكد من المادة المضادة اللي حناخدها لأنها ممكن تكون ضارة لجسمنا كمان ماينفعش نفرط من تناول المضادات الحيوية عشان مايتكونش مواد مقاومة للأدوية

ساعات بيكون في مضادات حيوية و خاصةً البنسلين بتسبب حساسية في الجسم لأنها بتعارض مع وظائف في الجسم و بتسبب تورم في اللسان و الوجه و صعوبة في التنفس و الطفح الجلدي عشان كدة لازم نكون عارفين ايه المضادات الحيوية اللي مناسب لينا كلنا تجنباً لأي حساسية ممكن تتسبب بس المضاد الحيوي لأنه ممكن المضاعفات تحصل في ساعتها او بعدها بمدة و بالنسبة لأي حد عنده مشكلة في وظائف الكبد و الكلى لازم يتخذوا الحذر من كمية الجرعات لأنه ممكن تأثر على مرضهم بالسلب

نرجع نسأل نفسنا سؤال بعد كل ده طب ايه الفرق اصلاً ما بين الفيروس و ما بين الباكتيريا

الباكتيريا بتكون بنسبة كبيرة مفيدة للجسم بكون انه في الباكتيريا النافعة اما عن الباكتيريا الضارة فبتتمثل في 1% و بتكون ضارة بالجسم عشان كدة بنستخدم المضادات الحيوية عشان تقل من تكاثر الباكتيريا الضارة او تقتلها و بتكون الباكتيريا حية يعني ممكن تكون برا الجسم او جوا الجسم اما بقا عن الأخطر و هو الفيروس لأنه مش حي و لازم يكون موجود داخل الجسم و حجمهم اصغر عشر مرات عن حجم الباكتيريا الموجودة في الجسم و بيتكاثر بسهولة فعشان كدة علاجه مش سهل و بياخد مدة عكس الاصابات بالعدوة الباكتيرية و ابسط مثال للفيروس و هو البرد و الإنفلونزا و حالياً فيروس كورونا اللي غير ووقف العالم بأجمعه لكثرة شيوعه و شدة خطورته نظرا للنقله من الهوا و النفس و بيكون مدة العلاج اطول لأنه الفيروسات ببتكاثر اسرع من الباكتيريا فبيكون في صعوبة فتقليل التكاثر

 

💓اظن كدة قدرنا نفرق ما بين الباكتيريا و الفيروس عشان نحمي نفسنا 

ايه الحاجة اللي ماكنتوش عارفينها عنهم؟ 👀