Injuries

هاي First Aid Mentors 💕

اكيد كلنا اتعورنا و تعبنا و كنا محتاجين مساعدة بس مش بنكون عارفين نساعد بعض بشكل سليم فعشان كدة انهاردة حنعرف اكتر و 👌نفهم الجروح و الإصابات وازاي نتصرف و نعالجها 

الجروح هي ضرر كبير اوي لجسمنا نتيجة لحوادث او حروق او كسوراو لدغة حيوانات لأنه ببساطة كدة بقا في مكان مفتوح من الجسم معرض لأي ميكروبات ممكن بتحصل  و احنا بنلعب او احنا بنشتغل او في السواقة او المشي و حاجات كتيرة في حياتنا

الجروح دي بتبقى اصابات بتخترق الجلد و انسجة الجسم و بتكون باينة على هيئة خدوش و جروح وساعات كتير اوي بتنتج من عملية جراحية اتسببت في جروح و خدوش و غرز. طبعاً لازم يتم تنظيفها بشكل مستمر لأنها بتكون محتاجة اسعافات اولية لحد زيارة الطبيب و لازم نكون واعيين و مدركين مدى عمق الجرح خطورته و هل سهل انه يتم علاجه في البيت و يلتئم بسهولة و لا الجرح عميق و  وصل الى حد النزيف او مش بيلتئم؟ كل ده مهم انه يتعرف لتحديد و تشخيص الجرح عشان مايتسببش في وجود اي نوع من التلوث و مايدخلش في مضاعفات تانية اكبر

Figures illustrating the cause of Injuries

 زي ما عرفنا مدى ادراكنا للجرح او الاصابة لازم نبقى عارفين نوعين الإصابة و هم الإصابة الحادة و الإصابة الناتجة عن ممارسة الرياضة. أول اصابة و هي الإصابة الحادة و اللي بتكون متمثلة في حادثة كبيرة او كسر او خلع كتف و هكذا و عشان كدة بنلجأ للأسعافات الأولية كخطوة مبدائية لحد لما المريض يروح المستشفى. تاني حاجة و هي الإصابة الناتجة عن ممارسة الرياضة او الإصابات الأكثر شيوعاً لأنه بتحصل من وقت للتاني و بتكون زي التهاب في الأوتار و هكذا

ماسألناش نفسنا ليه بيحصل اصابات من وقت للتاني و خصوصاً بسبب الرياضة رغم انها مفيدة؟

الرياضة مفيدة للجسم بشكل عام لأنه الجسم عنده قابلية انه يتأقلم و يتعود على الإرهاق اللي بيكون من خلال ممارسة الرياضة و كمان الرياضة مفيدة للعضلات و الأوتار و لكن سبب الإصابة بيكون نتيجة الجهد الزائد و ارهاق الأوتار و العضلات و اللي بتوصل لإصابة بتسمى بإصابات الفرط. ممكن الإصابة دي تحصل لما يكون في خطأ في التدريب او شخص وقف الرياضة لفترة و رجع لممارستها تاني بجهد و وقت اكتر من اللازم على الأوتار و العضلات و كمان بتكون الإصابة دي اكتر عرضى للناس اللي بتكون عندها اصابة قديمة و بنكون الأوتار و العضلات ضعيفة. و في الحالات اللي زي كدة بيكون الأفضل انه يبقى في متابعة من خلال الطبيب الرياضي لأنه بيكون دارس الحالة و ممكن يلتجأ للأشاعات لفحص العظام او من خلال الرنين المغناطيسي

و عشان نتجنب الإصابات دي بيكون في جدول معتمد و مخصص بيمشي عليه الشخص عشان يقلل من فرضة الإصابة و في حالة لو في اي وجع بيتحط الثلج على مكان الوجع عشان يقلل فرصة حدوث اي اصابة و كمان بيتم تناول الأدوية المضادة للالتهابات في حالة وجود التهاب و المحتمل في وجود اصابة يعني في حالة الضرورة و لو في اصابة بيتم توجيه الحالة للطبيب المعالج لأنه ممكن العلاج يبى عن طريق العلاج الطبيعي و التدريب الرياضي

وعشان نمنع اصلاً الإصابات دي لازم مايزدش مدة التدريب عن 10% في خلال الاسبوع عشان الجسم يبقى له وقت للتعافي و الإستجابة و لازم يكون في طبيب يتابع حالة الجسم في مدة التدريب عشان لو في احتمالية للإصابة يتغير الأسلوب 🙌

👀👀هل إصابات زي كدة صادفتكوا قبل كدة؟ لو حصلت معاكوا احكولي عملتوا ايه ساعتها و اتصرفتوا ازاي؟