First Aid ⛑ 🚑

هاي First Aid Mentors 💖

مفيش شك انه كلنا عندنا يقين بمدى اهمية الحفاظ على صحتنا و صحة اللي حوالينا بس الأهم اننا نكون عارفين نحافظ عليها ازاي ونبقى متجنبين اي ضرر  بيأثر على صحتنا سواء جسدي او نفسي . من الاساسيات اللي لازم نببقى متفقين عليها اننا نكون على وعى و معرفة كفاية بالأسعافات الأولية لأنها بتبقى بداية او سبب كبير اوي في انقاذ شخص.

الأسعافات الأولية منقسمة لجزئين جزء جسدي و هو الأساسي و المتعارف عليه من حيث انقاذ الناس في حالات الاغماء او الحروق او الانعاش الرئوي وحاجات كتيرة مختلفة. اما الجزء التاني و هو الجزء النفسي و بيكون سببه خلل كبير اوي في النفسية والهرمونات و عشان كدة بيتم علاجه بشكل منظم.

 

💫تعالوا نبتدي بالأسعافات الأولية و ليه مهم اننا نعرفها 

أول حاجة هي اننا بنتجنب اي خسائر ممكن تتسبب لا قدر الله في وفاه شخص او حد مصاب بإصابات بليغة ممكن تأثر عليه مدى الحياة و كمان عشان نقدر نساعد الناس في رحلة علاجهم اللي بتبقى مصدرها الاساسي الإسعافات الأولية

 في 7 طرق للأسعافات الأولية الطارئة و هي 

🙌"DRSABCD Method" 

و بتتمثل في 7 حاجات  

Danger, Response, Send for Help, Airway, Breathing, CPR 

أول حاجة و هي فكرة الخطرو انك لازم تتأكد قبل ما تكون مسئول و بتساعد شخص مصاب عشان حيكون على مسئوليتك في كل قرار انت حتاخده

 

تاني حاجة و هي سرعة الرد بمعني هل الشخص ده واعي و مدرك الناس اللي حواليه و لا مش فايق؟ هل هو قادر يتكلم و يتجاوب معاك سواء كان بالكلام او حركة و لا لأ؟

 

تالت حاجة و هي في حالة انه الشخص ده مش بيتجاوب و مش واعي او مغمى عليه لازم تتصل برقم الاسعاف و الطوارئ 

رابع حاجة و من اهم الخطوات وهي انك تتأكد مجرى نفسه سليم و لا في حاجة اتسببت في انسداده؟ و هل الشخص قادر يتنفس؟ 

خامس حاجة و هي التنفس و بنتأكد من تنفس الشخص اللي قدامنا من ناحية الصدر و هل في حركة و لا لا و هل الحركة دي منتظمها في معدلها الطبيعي و لا لا و عشان تكون متأكد اكتر بتسمع النفس قريب من بوقهم و بتابع التنفس لحد لما الاسعاف تيجي

 

سادس حاجة و هي الانعاش القلبي الرئوي و ده عادةً بتحصل لما الشخص بيفقد الوعي و التنفس ساعتها بنحرك الجسم بحيث يكون نايم و جسمه متساوي و مش متلوي بتحط ايدك في منتصف الصدرو بيكون عدد المرات 30 مرة ضغط و بتتعاد خمس مرات في خلال دقيقتين و بعد كدة بياخد نفس و بنستنى لحد لما الاسعاف تيجي بحيث كدة نكون بنساعد و بننقذه بالاسعافات الأولية

 

سابع و اخر حاجة و هي اللجوء لجهاز الصدمات الكهربائية عشان تنظم ضربات القلب , لما يكون الشخص فاقد الوعي و مفيش تنفس لازم يروح لأقرب مكان يكون في الأجهزة دي زي النوادي و المؤسسات و الأماكن العامة. فكرة الجهاز ده انه بينظم ضربات القلب المضطربة و لما الجسم بيتجيب و القلب بيبدأ ينتظم وضعية الجسم بتتغير بحيث تكون مناسبة لسرعة دخول الهواء لمجرى التنفس. ساعات كتير الجهاز مش بيكون مناسب للأطفال فالأغلب بيكون للكبارعشان امن ليهم

مين كان عارف الFirst Aid Methods و مين ماكنش عارف؟

👀💙قولولي في الكومنتات حابيين تعرفوا ايه عن في الاسعافات الأولية