Vital Signs 🪧

هاي First Aid Mentors 💗

تعالوا نتكلم عن حاجة اساسية و هي قياسات اهم وظائف الجسم و المعروفة باسم

 💙"VITAL SIGNS" 

القياسات دي بتتضمن اهم وظاثف الجسم و هي درجة حرارة الجسم و قياس نبضات القلب و معدل التنفس و ضغط الدم

ضروري اننا نقيس وظائف الجسم من وقت للتاني لانه مهم جدا لصحتنا بشكل عام عشان ممكن يكون سبب في اكتشاف مرض ما

 و سهل اننا نعمله لأننا نقدر نقيس ضغط الدم و نبضات القلب و درجة الحرارة و احنا في البيت و في حالة الطوارئ

تعالوا نفهم و نعرف اكتر عن اهمية الوظائف الجسم و نبدأ بدرجة حرارة الجسم

بتختلف درجة حرارة الجسم من شخص للتاني سواء كانت بنت او ولد سواء كان كبير او صغير و هكذا. درجة الحرارة المتعارف عليها بالمعدل الطبيعي هي 36.5 ل 37.2 درجة و بنقدر نقيس درجة الحرارة من خلال الفم عن طريق الترمومتر و من خلال الجلد و بيتحس من خلال الجبهة و من خلال الأذن عن طريق ترمومتر مخصص لقياس طبلة الأذن اللي بتعكس درجة حرارة الجسم. ساعات درجة و الحرارة بتكون مختلفة نتيجة لارتفاعها بسبب حمى او سخونية و بتزيد درجة الحرارة درجة او درجتين في حال ارتفاعها. اما لما بتنخفض بتكون اقل من 36.5 و بتسمى بمصطلح الHypothemia. 

تاني حاجة هي قياس نبضات القلب

قياس النبضات هو قياس معدل نبضات القلب في الدقيقة. النبضات دي بتحصل نتيجة لضخ الدم في الشرايين و المتصلة بالقلب. من خلال نبضات القلب بنقدر نعرف الStrength of the pulse و Heart Rhythm

 

نبضات القلب الطبيعة للكباربتكون من 60 ل 100 نبضة في الدقيقة و ممكن نبضات القلب تزيد في حالة اي مجهود او ممارسة رياضة

 او تعب و بالنسبة بالبنات فمعدل نبضات القلب بيكون اسرع  و اعلى نسبياً عن الولاد

عشان نقيس النبضات لازم نكون عارفين الأماكن اللي نقدر نقيس منها , بنقدر نقيس النبضات في الرقبة و في معصم الايد و داخل الكوع

 و اسهل طريقة للمعظم الناس هي قياس النبضات من معصم الإيد

عشان نقيس النبضات مظبوطة بنحط اول صوبعين و بنضغط على الشريان لحد لما بنحس بالنبضة و بنبدأ نعد لمدة 60 ثانية يعني دقيقة و بنعد بناءاً على النبضات مش الوقت

تالت حاجة هي معدل التنفس

  هو عدد المرات اللي اتنفس فيها الشخص خلال دقيقة و ده في حالة لما بيكون الانسان مرتاح و مش بيبذل جهد

. 

 طب نسأل نفسنا و نقول احنا بنعد ازاي التنفس؟ بنعده مع كل مرة الصدر بيعلى بنعد النفس في خلال الدقيقة

اما بقا عن عدد المرات فالطبيعي بيكون من 12ل 16 مرة في الدقيقة

مهم جدا اننا نكون متعابين معدل التنفس بشكل دوري لأنه بيتغير لما بنكون تعبانيين سواء ارهاق او حمى او سخونية و كمان احياناً

 بيكون علامة لمرض او ضيع في التنفس

 رابع و اخر حاجة و هو ضغط الدم في الجسم

ضغط الدم هو قوة اندفاع الدم في لحظة الcontraction and relaxation  للشريان 

مع كل دقة قلب بيوصل اعلى ضغط دم و في ساعتها القلب بينقبض و بعدها بيوصل لاقل ضغط دم لما القلب يبقى في relaxation

رقمين بيحددوا ضغط الدم عند الانسان و هم الSystolic and Diastolic Pressure

الSystolic Pressure هو اعلى ضغط دم لما القلب بينقبض 

و الDiastolic Pressure بيكون اقل ضغط دم

و المعدل الطبيعي بيكون 120 على 80

بنقدر نقيس الضغط من خلال اجهزة النانوميتر او الاجهزة اليدوية. و في حالة ارتفاع ضغط الدم ممكن الشخص يتعرض لازمة قلبية او سكتة قلبية او سكتة دماغية و بيحصل نتيجة لضغة دم اكتر من الطبيعي و بيتسمى بالHyper Tension

و بكدة قدرنا نفهم ايه هم الVital Signs

💯لأنه بإختصاركدة دي مفاتيح لحاجات كتيرة اوي في جسمنا 

👀ايه الحاجة اللي ماكنتوش عارفين عنها؟