Burns

 

هاي First Aid Mentors 💖

اظن عرفتوا انا حتكلم على ايه انهاردة 😂

 الحروق دي بتكون تلف لأنسجة الجسم و بتنتج عن احتكاك و تلف الجلد و الأنسجة بنيران او مواد كيميائية بتسبب تأكل الأنسجة او ماية سخنة او كهرباء و ممكن مع الوقت نتيجة لقلة الإهتمام تموت انسجة الجلد. اكتر الاصابات شيوعا للحروق هي الاصابات المنزلية و خاصةً بين الأطفال. ناس كتير بتتعافى من إصابات الحروق و لكن على حسب كل اصابة و درجتها لأنه ممكن خطورتها تأدي للوفاه

و قبل ما نتصرف في اي حاجة لازم نعرف و نحدد اذا كانت الحروق دي بسيطة و لا تحتاج لعلاج كبير. تعالوا نعرف ايه الفرق بين الحروق البسيطة و الحروق البليغة

الحروق البسيطة بتتعرف من كذا حاجة زي الام في منطقة الحرق و ورم فيها و عمق الجرح و تقرحات في الجلد اما الحروق الكبيرة  بتتعرف من كذا حاجة بردو زي تفحم و سواد منطقة الحرق و حرق و جرح عميق و بقع بني و سودا و بيضاء نتيجة لتفحم الأنسجة

طبعاً العلاج بيختلف على حسب الحروق دي بسيطة و لا كبيرة فتعالوا نعرف حنتعامل ازاي مع الجروح البسيطة. اول حاجة      حنلتجأ للأسعافات الأولية و هي انه بنهدي الجرح بعد لما بيكون اتحط تحت ماية باردة و بيتعمل كمادات ماية باردة لحد ما يخف الألم بنسبة كبيرة. لو في حالة انه الحروق دي في الإيد بنشيل اي حاجة ضيقة من الإيد زي الخواتم و لازم بنشيلها بسرعة قبل ما الإيد تورم و تبقى صعبة انها تتشال و بعدها بنحط كريم مرطب على المنطقة اللي فيها الحرق و اهم حاجة يكون اتبرد المكان عسان يتحط المرطب و يكون مكون من الصبارعشان يسكن الحرق و مايسببش جفاف. كمان بنحط الشاش الطبي و مانتغطش جامد مكان الحرق و بيبقي ادوية مسكنة للألام من غير استشارة طبيب و لكن لو في الام و مش بتقل يبقى استشارة الطبيب لازمة

اما بالنسبة للجروح الكبيرة فبنتصل بالإسعاف و هي 123 و قبل ما الاسعاف تيجي لازم نعمل كذا خطوة عبال ما الإسعاف تيجي. اول خطوة هي بنتأكد اذا كان الشخص قادر و عارف يتنفس و لا لأ و لو مش بيتنفس بيتعمل تنفس صناعي لو الشخص المتطوع متدرب تاني حاجة انه يكون الشخص بعيد من مصدر الحرق زي الحرق الكهربائي و انه يكون شخص في مكان امن و بعيد عن الأذى. ثالث حاجة هي انه يتشال اي حاجة زي المجهورات و الأحزمة من الجسم لو دي كانت المناطق اللي فيها حروق لأنها حتنتفخ تدريجا و حتتسبب اختناق في المكان. بنغطي المنطقة اللي فيها الحرق بقماشة و بتكون فيها ماية باردة و عشان مايحصلش اي ضرر زيادة مش بنأكل الشخص خالص و مش بنحط تحته يا مخدة و لازم المناطق اللي فيها الحرق تكون فوق مستوى القلب و ماينفعش التنفس من ناحية الاماكن دي عشان ماتسببش تلوث و جراثيم في المناطق دي

للحروق درجات لازم نبقى عارفين امتى تبقى حرق درجة اولى و حرق درجة تانية و حرق درجة تالتة. الدرجة الأولى بتكون اصغر درجة و بيبقى الجلد لونه احمرزي التعرض المباشر الزائد لأشعة الشمس و الدرجة التانية بيكون الجلد فيه خشونة و جفاف اما عن الدرجة التالتة فهي اسوء درجة و بيكون الجلد خشن و لونه ابيض

عادة الحروق بتحدد على مدة السخونية اللي اتضرت بيها الجسم و مدى بقائه على الجسم 

اظن كده عرفتوا الفرق و خلي بالكوا على نفسكوا 💓💓